အရှေ့ပိုင်းကရင်မျိုးနွယ်စုသည် ကရင်ပြည်နယ်၊ မွန်ပြည်နယ်နှင့် တနသာရီတိုင်းတို့တွင် အများဆုံး နေထိုင်ကြသည်။

စကောကရင်မျိုးနွယ်စုသည် ဧရာဝတီ၊ စစ်တောင်းနှင့် ပဲခူးရိုးမ၊ ရန်ကုန်တိုင်းတို့တွင် အများအပြား နေထိုင်ကြသည်။

ပလေချီးပလေကီးကရင်အမျိုးသားများသည် ခဲဖြူတိုက်ပလေချောင်း(ပသီချောင်း)ဖျားခံရာ အရပ်ရှိ ကျွဲဖြူတောင်၊ ပလချီး၊ တောဖျာကလေး၊ ငွေတောင်ကြီး၊ ငွေတောင်ကလေးရွာများတွင် နေထိုင်ကြသည်။

စကောကရင်မျိုးကွဲတွင်ပါဝင်သော တလေပွာကရင်မျိုးသားများသည် ဘောကလိ၊ မော်ချီးကား လမ်းနှင့် (၂၅)မိုင်အကွာ တောင်ပေါ်အထက်ရွာများဖြစ်ကြသည့် ဝါဆို၊ ရိုးဆို၊ သေဂီလာ၊ ဘောခါ၊ ထီးဝါးလေရွာများတွင် နေထိုင်ကြသည်။

ပကူးကရင်အမျိုးသားများသည် တောင်ငူ၊ သံတောင်၊ မော်ချီးမိုင်း ဒေသ၊ ဘောကလိ စစ်စီးတောင် နှင့် ပြောင်သိုအရပ်များတွင် နေထိုင်ကြသည်။

ဘွဲကရင်အမျိုးသားများသည် သံတောင်မြို့နယ် တောင်ပေါ်ဒေသတစ်လျှောက်တွင် အများအပြားနေ ထိုင်ကြသည်။

မိုပွာကရင်အမျိုးသားတို့သည် တောင်ငူခရိုင်၊ မော်ချီကားလမ်း မိုင်(၂၀)အနီး သံတောင်မြို့နယ် မဲဖြူတိုက်၊ ဥသျှစ်ကုန်းနှင့် စည်ပင်ကြီးကျေးရွာများတွင် နေထိုင်ကြသည်။

ကရင်ဖြူအမျိုးသားများသည် မန္တလေး၊ ပျဉ်းမနား၊ ရမည်းသင်း၊ အရှေ့ဘက်တွင် နေထိုင်ကြသည်။

အနောက်ပိုးကရင်အမျိုးသားများသည် ပုသိမ်ခရိုင်၊ မအူပင်ခရိုင်၊ မြောင်းမြခရိုင်၊ ဟံသာဝတီခရိုင်၊ ဟသတခရိုင်၊ ဖျာပုံခရိုင်၊ သာယာဝတီခရိုင်၊ ညောင်လေးပင်မြို့နှင် ဧရာဝတီတိုင်း၊ ရန်ကုန်တိုင်းတို့တွင် အများအပြားနေထိုင်ကြသည်။

သထုံမြို့နယ်တဝိုက်တွင် နေထိုင်သော ကရင်လူမျိုးများဖြစ်ပြီး ထိုကလိဘောင်ကရင်ဟုလည်း ခေါ်သည်။